Есімін көп еститінмін, сексеннен асқан қарттың бітімін көргенде шынымен таңырқадым, әуелі суретке түсірдім, ары қарай кеңес өрбіді. Алдыңғы бір жиында ел ағаларына қатаң тапсырдық, «бір ай өте жиынға келесіңдер, сол кезде әрбір ел ағалары құр қол келмей ел ішіндегі мылтықты жинап әкеп тапсырасыңдар!, кімде-кім «мылтық жоқ»-деп келуші болса көрері түрме, өлім»-деп тапсырма арқалатқан болатын.
Майданда «халықтың қолына құрал жоқ»-деген Алтайда Қарағұл залың бастаған адамдарды, Шіңгілде Баянбай, Байқадамдарды қолға алған болатын. Міне ендігі жиын Қарабұлғындағы мектепте болатын болып шақырылды, Есімхан ел ағаларымен атқа мінерлерді шақырып «жоқ құралды жоқ дейміз, жағдай өзгеше болса қарсылық білдіреміз»-деп сығайланған жігіттерді жинап, Қарабұлғынға бет алды.
Жол жөнекей бір үйде тамақтанып отырған Есімханның ұстіне Керім келген жерден айғұлақтанып; «алдағы үкіметтің тапсырығы есіңде болар, құрқол барсаң көргілігің бар»-деп қатты келді, ширығып отырған Есімхан Керімді майданда бас салып байлатып тастады да, асынып жүретін сөмкесін ақтарған еді, Көктоғай, Шіңгілден «жиын»-деп шақыртылып отырған 60 адамның тізімдігі шықты, бұл жолғы жиынға шақыртылған адамдарды тұтастай қолға алатындығын Кәрімге мойындатып, оны байлаттырып тастады – дейді Ердіхан қария.
