Әкім бастаған жеті адам өлтірілді, Сайып Сарноғай бастаған үш адамды өлтірді, енді нар тәуекелмен Көктоғай кеніндегі сақшы мекемесіне шабуылға өтіп, халықты қаруландырып, соғыс ашудан басқа жол қалмады. Есімхан үкіртай Қаракер атын Оспанға міңгізіп Ышқынтыда жасырған құралын алып келуге бұйырды, әкімді өлтіргенде бес құрал олжа түскен, Сүлейменнің аң құралы бар жиыны жеті қарумен 200 дай адам шоқбар, сойыл көтеріп Көктоғай сақшы мекемесін алуға аттандық.
Қар қалың болғандықтан мықты аттармен қар бұзып жүріп таңмен зорға жеттік, қалашықты тұс–тұсынан қоршай алдыға жылжыған едік биіктегі күзетшіге неден екен сезіліп қалып оқ шығарды, сол-ақ екен қалашық қазандағы бидәйдай бытырлаған оқ дауысы болды да кетті. Тәуекелмен шабуылға өттік, үкіметті оңай алып енді сақшыға шабуылдағанымызда адамдарымыздан шығын молайды, сақшы мекемесінде алып қоюға аз қалған едік, тосыннан жаудың күші мығымдалып, оқ қарша борап кетті, сөйтсек мұнда «кен қазушылар»-дейтін Советтің орыстары көмекке шыққан екен, арамыздағы санамалы құралдың оғыда азайып шегінуге мәжүбір болдық – дейді Зарлыққан қария.
